Då er vi vel igang med første ordentlige undervisningsveke på colleget. Vi har hatt choral, aural and ear (hørelære), og keyboard/gitar. I morgon skulle vi eigentleg ha byrja med musikkteori (gøran) og musikkhistorie(Anne-Grethe), men, istaden skal vi i live intervju på One africa og NBC. Det vil seie den namibiske NBC, Namibian Broadcasting. Vi er allereie igang med rekrutteringen av nye namibiarar som skal til Kvæfjord kommune å undervise i afrikansk tromme (Ngoma/Djembe), marimba og dans, og skal på tv i forbindelse med annonsering av søknadsprosessen som tek til denne veka.
For dei som ikkje allereie veit det er denne jobben ein del av eit utvekslingsprogram kalt NoNa (Norway Namibia), og er finansiert av Fredskorpset. Vår jobb er på College of the arts si linje APA, African Performing Arts, der vi skal undervise i hovedsaklig teoretiske fag. Namibiarane skal jobbe ved Borkenes skule i Kvæfjord kommune som musikklærarar med praktisk tilnærming til afrikanske instrumenter og dans. Ideen er at man skal lære av kvarandre, både når det gjeld metode og kunnskap. For dei som er interessert i å vite meir om dette kan man gå inn på kvafjord.kommune.no/nona.
På fritida har vi fram til no blitt bedre kjend med byen, testa restaurantar, og blant anna vore på konsert på Nice Bar and Restaurant, ein release av ein sangar saman med spoken word performance, i regi av dramalæraren på colleget. Det er ein ganske rolig by, ok trafikk, men vel mange fotgjengarar der det eigentleg kun skal være bilar. Men vi byrjar venne oss til det også. Byen er og rolig i den forstand at det ikkje er så veldig mykje som hender her av konsertar og liknande, i hvert fall ikkje på denne tida av året. Vi fikk ein telefon tideligare i veka frå utestaden og konsertarenaen Backstage. Etnomusikologilæraren på colleget, Ishmael, hadde tatt seg ein tur dit og fortald om dei nye norske prosjektdeltagarane. Frank fra Backstage ringte oss opp, og spurte om vi var interessert i spillejobb neste helg, 18 og 19 februar. Han fortalde at dei alltid er på utkikk etter folk som vil spille, og at det kan være vanskelig å finne i Windhoek. Vi er invitert på drink imorgon for å planlegge nærmare. Det er ikkje akkurat vanlig kost heime å bli oppringt med tilbud om spillejobb, og det er veldig spanande. Vi har vore her i knapt tre veker, og det blir bluegrass i Windhoek neste helg.
Akkurat no pønskar vi ut kva for ein låt vi skal bruke i ensembleundervisninga på fredag. Etterpå blir det forbereding av intervjuet imorgon. Timeplanen fyller seg opp, og i tillegg skal vi ha enkelt elevar i henholdsvis gitar og song. Og antagelig litt fleire på keyboard. Det manglar ikkje på ting å gjere, utfordringar, og nye opplevingar. I slutten av måneden skal vi på ein liten helgetur til nord i forbindelse med rekruttering av namibiske prosjektdeltakarar, noko vi gleder oss spesielt til. Saman med Banana skal vi i løpet av denne veka og neste motta søknadar og gjennomføre ein shortlisting, altså bestemme kven av dei som skal komme på audition. Så er det ut på tur.
Ingen kommentarer:
Legg inn en kommentar